Sun 9 Oct 2005
Lítill tími hefur gefist til að sinna ástkæru kjaftakindinni okkar því Dagbjört hefur verið á haus í skólanum og ég á haus í vinnunni ásamt því að sinna hugðarefni okkar sem er bjór og má ekki vanrækja (Hvað með þetta orð „vanrækja“? Van - rækja, hvað er það og hvað þýðir það?). Það er svo mikið að gera hjá okkur að uppvaskið fær ekki einu sinni athygli frá okkur og safnast það upp í hauga í eldhúsið þangað til að ekkert er hægt að gera nema að vaska upp. Síðastliðna daga höfum t.d. ekki haft nein hrein glös til að drekka úr og brá ég á það ráð að fara með heilan bala af óhreinum glösum heim til mömmu og pabba en heimili þeirra býr einmitt yfir vél sem þvær óhreina tauið fyrir mann, mjög sniðugt. Erum að velta fyrir okkur að fjárfesta í svona tækni, þetta er jú framtíðin og gott ef ekki bara nútíðin.
October 10th, 2005 at 12:26
He he, já kannast við þetta vandamál… Versta er að ég væri búin að fá mér uppþvottavél ef ég kæmi henni einhversstaðar fyrir
Sá samt soldið sniðugt um daginn þegar ég var í bústaðnum… Eldavél sem er líka þvottavél, kannski að mar fjáfesti í svoleiðis
October 10th, 2005 at 12:46
Ég skil ekki alveg hvernig það virkar að hafa eldavél og þvottavél í sama tækinu því þetta eru svo ólík tæki?
Sástu hvernig þetta virkaði?
October 10th, 2005 at 18:55
sorry meinti uppþvottavél…
October 10th, 2005 at 23:03
Væri það nú ekki fínt ef það þyrfti bara eina vél fyrir allt í eldhúsinu, semsagt brauðrist, hitakanna, ísskápur, ofn, örbylgjuofn, uppþvottavél og kaffikanna allt í einu tæki.
Í stofunni væri svo líka bara eitt tæki sem í væri sjónvarp, videotæki, DVD-spilari, tölva, geislaspilari og myndvarpi.
October 10th, 2005 at 23:50
…en thad er svo roandi ad vaska upp, daleidandi jafnvel, nokkurs konar hugleidsla.
Thvo allt thad ljota i heiminum i burtu, skitugar leifar fortidarinnar, mistok gaerdagsins, allar minningarnar sem brjota mann haegt nidur.
Auk thess hvad er tha haegt ad rifast um ef ekki hver a ad thvo upp?
October 11th, 2005 at 9:05
Hvað er málið? Sér ekki konan um þetta bara?
October 11th, 2005 at 9:40
Það er varla róandi að vaska upp ef ekki er tími til þess en jú ef allur tími veraldar er fyrir hendi þá er það hugsanlegt að samasemmerki sé milli uppvasks og hugleiðslu.
Ætli auknar vinsældir jóga og annarar hugleiðslu á síðustu árum sé bein afleiðing af uppþvottavélavæðingu íslensku heimilanna?
Kæra Nöldurskjóða, málið er að það þýðir ekkert að vera með brandara sem búið er að útskýra:
„Verst að þú fattir ekki að þetta eru nákvæmlega svörin sem ég er að leita eftir.
Þannig að “the joke´s on you my friend”.”
October 11th, 2005 at 12:08
Það er nú aldeilis dugnaðurinn að nenna að safna uppvaskinu saman, bera það út í bíl, keyra upp í Breiðholt setja það í uppþvottavélina, bíða eftir uppþvottavélinni og svo fara með allt draslið til baka. Ég myndi frekar bara vaska upp, maður er örugglega fljótari að því
En sem betur fer á ég mjög góða uppþvottavél sem heitir Siggi, en hún er stundum biluð þannig að ég held að það væri sniðugt fyrir okkur að fjárfesta í svona sniðugu tæki, en það er bara vandinn að koma henni fyrir, þarf að rífa út úr innréttingunni og svoleiðis vesen, en svo höfum við líka verið að kíkja á svona borðuppþvottvélar, en það kemst svo lítið í þær, yrði fljót að fyllast.
October 11th, 2005 at 12:26
Ég átti leið upp á Seljabrautina og var þar hvort sem er í heilan dag að dunda í tónlist þess vegna nennti ég að standa í þessu - annars hefði verið einfaldara að vaska þetta bara upp.
Við þurfum líka að taka úr innréttingunni til að koma vél fyrir, getum samt bara fengið okkur svona litla 45 sentimetra breiða (þessar venjulegu eru 60 sentimetrar) en það er betra en ekki neitt og er örugglega alveg nóg fyrir tvær manneskjur.
October 11th, 2005 at 18:29
Ívar…ef konan þín er til í það þá væri það rosalega vel þegið…takk fyrir það.
October 12th, 2005 at 10:33
Ég á svo góða vinnukonu sem heitir Lára.. þið megið fá hana lánaða hvenær sem er
En ég vaska ekki upp!!!