Mon 17 Oct 2005
Árið 1787 fæddist á Stóru-Mástungu í Eystrihreppi Bjarni Jónsson.
Árið 1839 þegar Bjarni Jónsson var 52 ára gamall eignaðist hann son, hann varð skírður Helgi og var Bjarnason.
Árið 1870 þegar Helgi Bjarnason var á 31. aldursárinu eignaðist hann líka son sem skírður var Bjarni Helgason eftir afa sínum.
Árið 1905 var Bjarni Helgason 35 ára og það sama ár eignaðist hann son sem skírður var Helgi og já hann var Bjarnason.
Árið 1928 þegar þessi Helgi Bjarnason var 22 ára gamall eignaðist hann son sem skírður var Bjarni Helgason.
Árið 1953 þegar Bjarni Helgason var 25 ára gamall eignaðist hann soninn Helga Bjarnason.
Árið 1977 þegar Helgi Bjarnason var 24 ára gamall eignaðist hann mig – Bjarna Helgason.
Flókið? Já en ef við einföldum þetta þá hafa forverar mínir, frá sautjánhundruð og súrkál (bókstaflega), verið skírðir Bjarni Jónsson, Helgi Bjarnason, Bjarni Helgason, Helgi Bjarnason, Bjarni Helgason, Helgi Bjarnason og svo ég Bjarni Helgason.
Ætli allir þessir Bjarnar og Helgar yrðu ósáttir ef ég myndi skíra minn hugsanlega son Ólaf? Ég gæti líka skírt hann Jón Bjarnason og þar með lokað hringnum þar sem þetta byrjaði allt saman hjá Bjarna Jónssyni árið 1839 þegar hann eignaðist soninn sem hann skírði Helga Bjarnason.
Hann langa langafi minn og nafni Bjarni Helgason fæddist 9. apríl árið 1870. Nákvæmlega 107 árum seinna árið 1977 fæddist ég á sama degi og var skírður sama nafni. Ætli hann hafi líka verið grafískur hönnuður?
Já það er gaman að fletta í Íslendingabók. Ég komst meðal annars að því að ég get rakið ættir mínar í beinan karllegg til Þórðar Víkingssonar sem fæddur var í kringum 830 og er sagður sonur Haraldar Hárfagra landnámsmanns á Alviðru í Dýrafirði (sjá mynd efst).
Fórum í leikhús í gær á frumsýningu Sölku Völku ásamt öllu hinu fyrirfólki samfélagsins eins og Dorrit og Ólafi sem að ástæðulausu allir í salnum stóðu upp fyrir. Er forsetinn allt í einu orðinn konungsborinn? Nei, þetta er bara gamall kommi með skítlegt eðli. Því miður áttuðum við okkur ekki á þessu fyrr en eftir að við stóðum upp, héldum að fólk væri að heiðra leikstjórann hana Eddu Heiðrúnu. Hún á það miklu meira skilið heldur en Óli Beikon, enda skilaði hún góðri sýningu þrátt fyrir erfiðan sjúkdóm sem hún er að kljást við.
Svo við droppum nú nokkrum nöfnum þá sáum við Sirrý, Egil Ólafs og Tinnu, Vigdísi Finnboga, Ólaf F (fékk óvænt sjónina og ákvað að skella sér í leikhús), meira og minna alla leikarastétt landsins, Boga Ágústsson og fleiri fréttamenn, kastljósdömuna Eyrúnu, Auði Laxness og fleiri og fleiri fyrirmenni sem of langt er að telja upp hér. Fyrir vikið erum við mun merkilega fólk en við vorum.
Við hérna á Laugarnesveginum erum mjög ánægð með veðrið þessa dagana enda varla nokkur hiti á ofnum hér á bæ. Gengur illa að finna orsök varmaleysisins þar sem ekkert lagaðist við að hleypa loftinu af ofnunum. Nú er bara að leita sér að meiri upplýsingum til að finna hvaða ástæða gæti legið að baki hitaleysinu – ættum kannski að gerast áskrifendur að Lagnafréttum.
Neee varla.
October 17th, 2005 at 21:52
Ha ha, já það hvílir mikil pressa á þér bróðir góður. En ég get líka bara skírt Helgi, þá ert þú laus allra mála og getur notað þá afsökun að nafnið sé upptekið
En persónulegra finnst mér Jón fallegra og svona off the record þá finnst mér að fólk eigi bara að skíra það sem því sýnist án þess að einhver verði fúll, þótt hægt sé að rekja hefðina aftur í 17 hundruð og súrkál. En það er samt gaman að geta haldið í hefðina og núna þykir bara sjaldgæft að heita Jón, Bjarni, Helgi eða Ólafur, þannig að það væri bara frumlegt að skýra Helgi 
Miklar pælingar í gangi hér.
October 18th, 2005 at 10:54
Haraldur Hárfagri Bjarnason…
hljómar vel
vona bara að hann hafi þá meira hár á höfði :Þ
October 18th, 2005 at 12:40
Í fyrsta lagi verður engin pressa fyrr en það verða til börn og það er ekki á dagskrá. Í öðru lagi þarf að eignast karlkyns barn og það er ekki eitthvað sem hægt er að hafa stjórn á. Þannig að við ættum ekki að svitna enn sem komið er.
Mér finnst þessi hefð samt mjög skemmtileg því hún nær svo langt aftur í tímann, áður en það voru til bílar og þegar fólk bjó í moldarhúsum. Það tengir mann svo sterkt við fortíðina og söguna.
Verst er að vita ekkert um þessa kappa, hvað þeir höfðu að atvinnu og á hverju þeir höfðu áhuga utan hennar. Verð að bæta úr því.
Hvað með Haraldur Hárlausi Bjarnason?
Eða Haraldur Sköllótti Bjarnason?
October 19th, 2005 at 4:16
Harfagri kallinn er einmitt forfadir minn lika. Man reyndar ekki erfdalinuna nogu vel til ad segja af hverjum barna hans eg kem en eins og Sigga Loa skolasystir min og Daeju sagdi eitt sinn i MR, thad tharf bara eitt framhjahald til ad ad thetta falli allt um koll.
Annars atti Haraldur nu ansi mikid af bornum med mismunandi konum og var frekar ofbeldishneigdur og svona. Alvoru vikingur.
Daeja kann greinilega godan felagsskap ad meta, vera i kringum svona blatt blod eins og mig og Bjarna..nema tha ad hann se lika forfadir thinn Daeja? Thad vaeri alveg daemigert islenskt.
October 19th, 2005 at 10:12
Eigi veit ég hvort Halli ku vera forfaðir minn. Ég get bara ekki rakið ættir mínar nema til 17 hundrð og eitthvað, búin að prófa hinu ýmsu leiðir. Life sucks. En ég gefst ekki upp fyrr en í fulla hnefana og mun halda áfram að reyna.
En jú það er vissulega rétt að Haraldur og félagar voru ekki við eina fjölina felldir og því er þessi vitneskja takmörkunum háð.
October 8th, 2007 at 0:14
Ég var að lesa þessa merkilegu nafnasögu þína. Í guðana bænum haltu áfram með nafnahefðina svo að afkomendur þínir geti kallað sig þessu fallega nafni. Það hljómar ótrúlegt en ég heiti ekki aðeins Bjarni Helgason heldur er fæddur 9. apríl 1957.