Mon 20 Feb 2006
Silvía beib stóð sig með prýði á laugardaginn, hún var töff og kúl.
Annars er gaman að fylgjast með erlendu Eurovision síðunum, sérstaklega Esctoday en þar tjáir fólk sig um keppnina og margir eiga ekki til orð yfir framlagi okkar. Silvían okkar er a.m.k að vekja mikla athygli því athugasemdir við greinar um hana eru langflestar. Íslendingar á síðunni reyna allt sem þeir geta til að verja hana og útskýra ádeiluna. Annars kemur berlega í ljós að fólk annað hvort elskar hana eða hatar.
Hún þyrfti eiginlega að fá aukafjármagn einhversstaðar frá til að ferðast um Evrópu til að kynna sig og lagið svo fólk átti sig betur á þessari vitleysu allri, það yrði a.m.k. mjög skemmtilegt sjónvarpsefni.
Annars vorum við að ákveða það að skella okkur til Aþenu á Eurovision 2006! Ef það er einhverntímann gaman að fara út til að upplifa Eurovision þá er það svo sannarlega núna. Miðasalan byrjar reyndar ekki fyrr en í lok febrúar svo við bíðum spennt.
Eins verður gaman að koma til Aþenu. Án efa mikið stuð og mikið gaman. Það væri auðvitað gaman ef fleiri vildu koma með svo ef einhverjir vilja skella sér með í ævintýrið þá endilega að láta oss vita. Það er vonandi að sem flestir Íslendingar fari út til að styðja Silvíu Nótt og láti vel í sér heyra. Það er ekki oft sem maður hefur afsökun til að láta eins og fífl.
February 20th, 2006 at 21:44
Æi krakkar, ég er á báðum áttum. Kannski ættum við bara að senda Regínu út? Hún brillaði alveg með þetta lag á laugardaginn, var í rauninni eina manneskjan sem virtist geta haldið tón út í gegn og komið frá sér jafn stórbrotnu lagi sem þetta er.
February 21st, 2006 at 16:27
ég held að það sé bara fínt að senda hana Silvíu út fyrir okkar hönd, mér finnst það sýna það að við höfum smá húmor og tökum okkur ekki alltof alvarlega…
Mér fannst Regína flott og allt það en ég er samt alveg jafn stolt að senda hana Silvíu og er alveg sammála því að hún ætti að reyna að fá smá fjármagn til þess að ferðast og kynna sig, lagið og þjóð
Sniðugt og gott hjá ykkur að ákveða að fara út og upplifa smá Eurovision, það verður flott að geta sagt frá því seinna að þið fóruð út til Grikklands þegar Silvía Nótt tók þátt í Euovision
February 21st, 2006 at 16:52
Hver er thessi Silvia Nott og um hvad snyst thetta allt saman eiginlega? Og hvad er svona merkilegt vid thetta lag, eg heyri bara ekkert um eurivision herna uti, aetli England se med i ar????
February 21st, 2006 at 18:54
Já ég er sammála því að Silvía hafi verið rétta valið… Regína er hörkugóð söngkona en held að það sé kominn tími á smá flipp frá okkur.
Heiðrún… þú getur lesið allt um Silvíu Nótt hérna.
Hér er myndband með laginu (Til hamingju Ísland).
og hérna geturðu sé þættina hennar sem sýndir hafa verið á Skjánum.
Jú England er með í ár… keppnin verður haldin 4. mars. Hér er vefsíða með þátttakendunum og fleiri upplýsingum.
February 21st, 2006 at 19:49
HEI…. mér finnst að ég ætti að vera efst á lista um að taka með til Aþenu!!!
;)
er ekki komin á listann núna ??
February 22nd, 2006 at 8:17
Hefði bara ekki átt að senda þær saman? Það hefði alla vega orðið mjög áhugavert…
Lýst rosa vel á Aþenu ferðina og held að það verði rosa stuð hvernig sem Silvíu gengur.
February 22nd, 2006 at 15:04
Við erum svo miklir sósíalistar og afturhaldskommatittir að í okkar augum eru allir jafnir og þar af leiðandi eru allir efstir á listanum Eva og líka þú.
Ég held þetta verði þrusustuð, og eins og þú bendir á Hulda, alveg sama hvernig fer.
February 22nd, 2006 at 17:05
Áfram Silvía Nótt. Til hamingju Ísland!
February 22nd, 2006 at 21:27
VVVvveeeeiiiii…
ég er komin á listann :Þ
en svona að öllu gamni slepptu þá væri ég sko meira en mikið meira til í þetta.. búið að vera draumur minn LLEENNGGII…
eins og kannski margir vita…