Tue 23 May 2006
Ákváðum í gær að elda eitthvað sem við höfðum ekki prófað áður. Eftir skoðunarferð í Nóatúni var ákvörðunin tekin. Smokkfiskur varð fyrir valinu. Ekki það girnilegasta sem hugsast getur (holur fiskur!) en við höfðum hvorugt smakkað hann þannig að við ákváðum að slá til. Fórum eftir uppskriftinni sem fylgdi með sem var "smokkfiskur í basil-tómatsósu". Sósan var mjög góð en fiskurinn var algjört ógeð. Hrikalega var þetta vont, eiginlega bara viðbjóðslegt. Get ímyndað mér að smokkar (eins og í getnaðarvarnir) bragðist svona, gúmmíkennt og ógeðslegt. Eftir þrjá pínlega munnbita var réttinum hent í ruslið og pylsubrauði með osti skellt á grillið þar sem það var það eina sem til var. Aldrei hefur pylsubrauð bragðast jafn vel… líklegast var það vegna misþyrmingarinnar sem bragðlaukarnir höfðu orðið fyrir.
May 24th, 2006 at 16:01
He he, æææ leiðinlegt að heyra að þetta hafi farið svona hjá ykkur
Held að ég hafi heyrt það einhversstaðar að hann þurfi að vera meðhöndlaður á einhvern sérstakann hátt svo að hann sé góður, gæti samt verið vitleysa í mér….
May 24th, 2006 at 16:48
Krakkar mínir! Hélt þið vissuð að maður borðar ekki smokkfisk nema hann sé eldaður af meistarakokki!
Farið á góðan sjávarréttarstað og þið verðið ekki svikin.
May 25th, 2006 at 0:45
Í fyrsta lagi þá er ég meistarakokkur með meiru!! en jú þetta kann að vera rétt hjá ykkur. Í uppskriftinni stóð að snöggsteikja ætti smokkann í eina mínútu sem við og gerðum en allt kom fyrir ekki. Ég sé mig samt ekki fyrir mér panta smokkfisk á fínum veitingastað ef ég hef val milli smokkfisks og humars. Að ég tali nú ekki um marinerað lamb eða nautalundir. Nammi nammi namm.
May 25th, 2006 at 13:54
Smokkfiskur er vondur á bragðið, það breytist ekki alveg sama hver eldar hann.
May 25th, 2006 at 18:18
ég get vottað fyrir því að hún Dagbjört er þrusugóður meistarakokkur!!! He he reynið að segja þetta rosa hratt 3 sinnum ;þ