Sat 2 Sep 2006
Tíminn líður nákvæmlega ekki neitt þegar verið er að bíða eftir einhverju skemmtilegu.
Kolka er að verða þriggja mánaða gömul í næstu viku og enn eru þrír mánuðir eftir í biðinni. Þetta er eins og þegar maður var lítill að bíða eftir jólunum hálft árið og tíminn hreyfðist ekki neitt.
Við erum nú samt svo heppin með ræktanda því hún er einstaklega dugleg að senda okkur myndir og myndskeið. Fáum yfirleitt myndir tvisvar í viku og myndskeið einu sinni í viku. Myndskeiðin hjálpa okkur í gegnum þessa erfiðu tíma (sniff sniff) og hér er það nýjasta.
Þarna eru Kolka (næstum því alveg hvít hægra megin og með lengsta skottið), Bono og Helga að leika sér. Á myndskeiðinu sést líka Mirva sem er vinkona Önu (sem líklega er bakvið myndavélina). Takið eftir að hún segir „Ei purra“ við hvolpana en það gerði Dagbjörtu mjög forvitna og á Wikipedia fann hún að þetta þýðir „ekki bíta“. Veraldarvefurinn er yndisleg uppspretta nytsamlegs fróðleiks.
Fullt af myndum og upplýsingum um Kolku á vefsíðunni hennar Kolku.
September 5th, 2006 at 20:58
Dúllu snúlla
En mikið skil ég ykkur.. tíminn líður ekki neitt… ég er nefnilega farinn að bíða eftir snjónum og jólunum
September 8th, 2006 at 21:50
Díses en gaman maður að sjá þessar myndir, mig bara næstum langar í hund. Aftur til allrar lukku með hundinn og vonandi mun afhending á Kolku ganga vel. Halldóra Björg talar oft um að skrifa henni bréf og þegar ég spyr hana hvað hún vilji segja segir hún bara…. aaahhh je veidagi… Um leið og ég fæ eitthvað svar skrifa ég það með vinstri því hun er bra tveggja og háls. (finnst þetta alltaf soldið skemmtilegt að vera eins og háls)
September 8th, 2006 at 21:52
Þið verði’ a’ nota finnsku orðin svo henni líði eins og heima hjá sér…
Ei purra ! eða Purra þennan!!
September 9th, 2006 at 0:18
Já Halli það er skemmtilegt sjá hundinn okkar hreyfast á hreyfimynd.
Kolka (og við) yrðum himinlifandi að fá bréf frá Halldóru Björg (og vinstri hönd yðar) - það yrði hinsvegar að vera á finnsku svo Kolka skilji það. Heldur þú að HB geti ekki bjargað sér í gegnum það? Hún getur allavega skrifað Ei Purra, ei purra.