Sat 9 Sep 2006
Mér var að bjóðast að halda sýningu á menningarstaðnum Næsta bar frá miðjum október í fjórar vikur en á þeim stað kemur saman landsliðið í menningu og svalar þorsta sýnum. Ég ætla að sýna þar málverk úr nýrri seríu sem ég hef verið að vinna að. Er reyndar bara búinn með tæplega tvær myndir og á þá „aðeins“ eftir að mála sjö til átta. Þarf líklega að nota einhverja sumarfrídaga sem ég á inni til þess að ná að klára þessar myndir í tæka tíð - ekki nema rúmur mánuður til stefnu og nóg annað að gera við að hanna upp í Hvíta húsi, kenna uppi í Listaháskóla og læra listasögu og heimspeki upp í Háskóla Íslands.
Verkin á sýningunni eru úr Judicature seríunni minni sem í stuttu máli ganga út á að reyna að tengja framhjá meðvitundinni og koma hendinni í beina tengingu við undirmeðvitundina í sönnum anda súrrealismans. Þessar myndir vinn ég þannig að í gamla enska vasaorðabók krota ég skissu og er efsta orðið á hverri síðu innblástur hvers myndverks. Þessa skissu vinn ég svo með „meðvitundinni“ í tölvu. Á endanum öðlast verkið elíft líf sem málverk á striga.
Er kominn með nafn á sýninguna og verður það
Nafnið vísar í aðferðina til að ná fram þessum myndheimi og hvernig við erum sífellt undir hæl meðvitundarinnar í öllu sem við gerum.
September 10th, 2006 at 19:38
Til hamingju með sýninguna! Ekki vissi ég að þú værir í heimspeki og listasögu, hmmmm…
En Bjarni, þú þekkir líklega til Kandinsky? Hann var einmitt mjög fræðilegur í sinni list, skrifaði bækur um andans liti og tóna og var mikill expressionisti. Verkin þín minna mig soldið á hann. Sem sagt, alls ekki hans verk, heldur hvernig hann vann sem listamaður.
Ég er bara að geta mér til að þú hafir orðið fyrir miklum rússneskum áhrifum, soldið skemmtilegt
September 11th, 2006 at 14:26
Ég er rosa spenntur fyrir þessarri seríu.. Þetta eru reglulega fallegar myndir!
September 12th, 2006 at 11:17
Er reyndar ekki beint „í“ heimspeki og listasögu - skráði mig til leiks og tek nokkra útvalda kúrsa sem koma sér vel eins og nútímalistasögu og nýaldarheimspeki.
Ég sæki mikið í hugmyndir og hugmyndafræði sem var að koma upp á yfirborðið fyrir 100 árum, bæði í rússlandi og evrópu. Það er að mínu mati mest spennandi tími nútímalistasögunnar.
Rússnesku áhrifin eru ómeðvituð en greinilega til staðar.
Ekki slæ ég hendinni á móti því að vera líkt við Kandinsky
September 13th, 2006 at 20:02
Frábært ! Vildi að ég væri á ísl til að fylgjast með liftistöng íslensks listalífs gefa sig allann í list sína svo hann fórni frídögum og skóla skildu og.. og.. og… …sendu mér allavega myndi frá opnuninni og af verkunum. Gangi þér vel að mála upp í kvótann, sjáumst í Salzentown, Halli.